Ath-stèidhich a' Ghàidhlig: Ga bruidhinn ri do chloinn is ri d' oghaichean

​​

1. Mean air mean, beag air bheag

• Cleachd abairtean làitheil cuide ri do theaghlach: beannachdan, amannan-bìdh, àm-cadail is eile.

• Cuir leubailean air diofar rudan san taigh. 

• Thoir dhaibh òrain, rannan is sgeulachdan, gu h-àraidh an fheadhain a chuala tu fhèin nuair a bha thu beag.

2. Cruthaich àrainneachd làn Gàidhlig

• Coimheadaibh air prògraman air Alba còmhladh

• Leugh leabhraichean Gàidhlig còmhladh - 

• Feuch gun tèid sibh gu dannsaichean-cèildih is tachartasan Gàidhlig eile còmhladh.

3. Feuch gum bi dìbhearsan gu leòr ann

• Cluichibh geamannan simplidh — leithid “Chì mi le mo shùil bhig...” no geamannan chairtean le facail Ghàidhlig.

• Cleachdaibh geamannan air-loidhne no apps do chloinn.

• Brosnaich iad gu bhith a' tarraing dhealbhan no a' dèanamh cheàrd-làimheadh is tu a' toirt seachad stiùireadh sa Ghàidhlig

4. Bi onarach is brosnachail

• Inns dhaibh mun dàimh a th' agad fhèin leis a' chànan is mìnich dhaibh carson nach do bhruidhinn thu Gàidhlig rietha roimhid 

• Cuir nan cuimhne gu bheil e cgl mearachdan a dhèanamh. 'S e adhartas as cudromaiche, chan e foirfeachd

5. Tog ceanglaichean le luchd-labhairt eile

• Faigh lorg air buidhnean pàrant is pàiste no clasaichean coimhearsnachd nad sgìre fhèin.

• Brosnaich d' oghaichean gu cairdeasan a thogail le cloinn eile le Gàidhlig.

• Ma ghabhas a dhèanamh, cuiribh seachad ùine cuide ri daoine nas aosta sa choimhearsnachd. 

6. Cleachd teicneolas gus do chuideachadh

• Dèan bhidio call gu càirdean 's caraidean.

• Clàraich bhidio dhìot fhèin a' leughadh sgeulachd airson d' oghaichean.

• Cleachd fo-thiotalan no fuaim Gàidhlig ma tha iad rim faighinn air apps is eile.

​​